Aron Einar: Ég er í góðu formi og klár í slaginn

Aron Einar Gunnarsson og félagar hans í velska liðinu Cardiff hefja leik í ensku B-deildinni í fótbolta annað kvöld með stórleik gegn Blackburn sem er upphafsleikur deildarinnar í ár.

Cardiff féll úr úrvalsdeildinni í fyrra, en Aron Einar, sem sat blaðamannafund fyrir fyrsta leik í morgun, segir liðið ætla rakleiðis í úrvalsdeildina á ný.

„Við erum hættir að hugsa um vonbrigði síðustu leiktíðar. Nú höfum við fundið bragðið af úrvalsdeildinni og viljum komast aftur þangað,“ sagði Aron Einar.

„Stefna allra er að komast beint aftur upp. Trúin er mikil í liðinu og saman stefnum við að því markmiði.“

Aron Einar þurfti að sætta sig við mikla bekkjarsetu síðari hluta tímabils í fyrra, sérstaklega eftir að Ole Gunnar Solskjær tók við liðinu.

„Ég er mjög einbeittur, í góðu formi og get ekki beðið eftir því að komast af stað gegn Blackburn,“ sagði Aron.

„Þetta verður erfiður leikur og er erfið byrjun á deildinni. En við þekkjum nokkra hjá þeim eins og Rudy Gestede og CraigConway.“

„Það er mikilvægt fyrir okkur að byrja vel. Við stefnum að því,“ sagði Aron Einar Gunnarsson.

Aron Einar mætir á blaðamannafundinn í dag:

VINE: @arongunnarsson1 first up to speak to the press ahead of tomorrow's opener v @OneRovers https://t.co/kB5BgDPJWq

— Cardiff City FC (@CardiffCityFC) August 7, 2014