J.K. Rowling undirbýr nýja skáldsögu

Rithöfundurinn J.K. Rowling, sem gerði garðinn frægan með skáldsögunum um Harry Potter, vinnur nú að nýrri bók. Gríðarleg eftirvænting er fyrir bókinni en hún verður ætluð eldri lesendum.

Skáldsagan verður gefin út af útgáfufélaginu Worldwide English en Rowling undirritaði útgáfusamning við forlagið í vikunni. Þetta þýðir að Rowling hefur snúið baki við Bloomsbry útgáfufélaginu sem gaf út Harry Potter bækurnar.

Sögurnar um galdrapiltinn Harry Potter hafa farið sigurför um heiminn og hafa selst í rúmum 30 milljónum eintökum í Bretlandi. Auðævi Rowlings eru metin á 530 milljón pund.

Talið er að útgáfa nýju skáldsögunnar eigi eftir að vera einn af bókmenntaviðburðum ársins.

Lítið sem ekkert er vitað um efnisök skáldsögunnar og hefur Rowling lítið tjáð sig um málið. Hún sagði þó að lítið yrði um galdra og óvætti í sögunni enda á hún að höfða til eldri lesanda.