Erlent

Fimm ára barn gekk 800 metra í nístings­frosti með ungabarn

Eiður Þór Árnason skrifar
175 íbúa smáþorpið Venetie er staðsett um 250 kílómetrum norður af Fairbanks sem sést hér.
175 íbúa smáþorpið Venetie er staðsett um 250 kílómetrum norður af Fairbanks sem sést hér. Getty/Markus Spiering

Fimm ára barn yfirgaf heimili sitt á þriðjudag og gekk um 800 metra utandyra í nístings­frosti með átján mánaða gamalt systkini sitt í þorpinu Venetie í Alaska-ríki í Bandaríkjunum.

Þegar atvikið átti sér stað mældist 35 stiga frost á svæðinu og voru börnin komin með kuldasár þegar þau komu loks inn í hús til nágranna síns, samkvæmt upplýsingum frá lögreglu. Þau voru skólaus og einungis léttklædd þegar þau æddu út í kuldann.

Börnin eru sögð hafa verið ein heima þegar þau fóru út og að eldra barnið hafi orðið hrætt þegar rafmagn sló út á heimilinu.

Lögreglan greinir frá því að 37 ára gömul kona hafi verið handtekin í tengslum við málið. Hún er ásökuð um hafa stofnað velferð barns í hættu með því að skilja börnin eftir ein heima án eftirlits.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.