Gróðureldar ógna enn íbúum í Ástralíu
Yfirvöld í Ástralíu vara við því að hinir gríðarlegu gróðureldar sem nú brenna í tveimur ríkjum landsins verði áfram hættulegir þrátt fyrir að veðurskilyrði hafi skánað. Um 150 eldar brenna enn á svæðinu, í New South Wales og í Queensland.
Fimmtíu hús brunnu til grunna í gær en ekkert manntjón varð. Eldarnir hafa meðal annars kviknað í úthverfum stórborgarinnar Sidney.
Viðvaranir hafa verið lækkaðar af efsta stigi niður í það næstefsta en menn óttast að ástandið versni enn á ný í ljósi þess að sumarið hefur enn ekki náð hápunkti sínum á svæðinu með tilheyrandi þurrkum.
Tengdar fréttir
Á níunda tug kjarrelda brennur í Ástralíu
Varað er við hamfaraaðstæðum fyrir elda í Nýju Suður-Wales í dag.
Neyðarástandi lýst yfir vegna gróðureldanna í Ástralíu
Neyðarástandi hefur verið lýst yfir í fjölmennasta ríki Ástralíu, New South Wales, og þar með talið stórborgina Sydney, vegna gríðarlegra kjarrelda sem þar geisa en ástandið hefur aldrei verið eins slæmt í ríkinu.
Þrjú látin í kjarreldum í Ástralíu
Miklir eldar sem nú loga á þurrkasvæðum á austurströnd Ástralíu hafa kostað þrennt lífið. Þá hafa yfir 150 heimili brunnið til grunna og um og yfir 30 manns hafa slasast vegna kjarreldana.
