Íslenski boltinn

Ída Marín skrifar undir tveggja ára samning við Val

Anton Ingi Leifsson skrifar
Ída í leik með Fylki í sumar.
Ída í leik með Fylki í sumar.

Ída Marín Hermannsdóttir hefur skrifað undir tveggja ára samning við Val en þetta var staðfest í dag.

Ída Marín er sautján ára gömul og hefur leikið með Fylki allan sinn feril en hún á að baki 48 leiki í meistaraflokki og ellefu mörk.

Á síðustu leiktíð skoraði hún sjö mörk í átján leikjum fyrir nýliða Fylkis en einnig hefur hún verið fastamaður í yngri landsliðum Íslands.





Það má með sönnu segja að Ída Marín sé af fótboltakyni en hún er dóttir Hermanns Hreiðarssonar og Rögnu Lóu Stefánsdóttur sem voru bæði afbragðs knattspyrnufólk.

Valur varð Íslandsmeistari í sumar undir stjórn Péturs Péturssonar og er nú þegar byrjað að bæta í leikmannahópinn fyrir næstu leiktíð.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.