Amazon fékk það í gegn að seinka leik Liverpool á öðrum degi jóla
Leikur Leicester og Liverpool í ensku úrvalsdeildinni á öðrum degi jóla fer ekki fram fyrr en klukkan 20.00 um kvöldið.
Amazon fékk það í gegn að seinka leiknum en fyrirtækið er í fyrsta sinn með samning við ensku úrvalsdeildina og sýnir nú alla tíu leiki jólaumferðarinnar sem fara fram 26. og 27. desember.
Bandaríska fyrirtækið vildi seinka leik Leicester og Liverpool fram á kvöld sem er ekki vaninn á þessum degi enda þykir mörgum meira en nóg að það sé verið að spila leikinn á þessum degi. Enska úrvalsdeildin er sú eina sem spilar leiki yfir hátíðirnar.
Bandaríkin eru fimm til átta klukkutímum á eftir Bretlandi en leikirnir verða sýndir beint á Amazon Prime Video.
Liverpool's #PremierLeague trip to Leicester City on Boxing Day has been moved to an 20:00 GMT kick-off.
Thoughts?
https://t.co/B5YHDkXUnM #LFC #LCFC #bbcfootball pic.twitter.com/bLhmGt7t5P
— BBC Sport (@BBCSport) October 18, 2019
Liverpool hefur reynt að koma til móts við stuðningsmenn sína með því að bjóða þeim fríar rútuferð á leikinn frá Liverpool en það er vissulega mun meira óhagræði af þessari breytingu fyrir stuðningsmenn Liverpool sem er útiliðið í umræddum leik.
Stuðningsmannaklúbbur Liverpool, Spirit of Shankly, var allt annað en ánægður með þessa breytingu og kallaði hana svívirðilega vegna vandræðanna sem hún mun búa til fyrir stuðningsmenn Liverpool.
Þessi breyting þýðir þá að Liverpool fær meiri hvíld milli leikja en Manchester City. Liverpool spilar þennan leik að kvöldi 26. desember og mætir svo Wolves 29. desember klukkan 16.30. Það líða því 68 klukkutímar og 30 mínútur á milli leikja.
Manchester City spilar aftur á móti við Wolves klukkan 19.45 27. desember og svo aftur við Sheffield United klukkan 18.00 28. desmber. Það líða því bara 46 klukkutímar og 15 mínútur á milli leikja Manchester City á milli jóla og nýárs.
Tveir aðrir leikir á öðrum degi jóla voru líka færðir. Leikur Tottenham og Brighton mun hefjast klukkan 12.30 og leikur Manchester United og Newcastle hefst klukkan 17.30.
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
