Fögnuðu Íslandsmeistaratitlinum fyrir utan Grund
Pálmi Rafn Pálmason og Óskar Örn Hauksson fögnuðu Íslandsmeistaratitli KR fyrir utan Elliheimilið Grund en þeir birtu myndir af því eftir að bikarinn fór á loft í Vesturbænum.
KR varð Íslandsmeistari um síðustu helgi er liðið tryggði sér titilinn gegn Val á heimavelli en þeir fengu svo titilinn afhentan í dag er liðið vann 3-2 sigur á FH.
Einhverjir sparkspekingar ræddu um það fyrir mótið að KR-liðið væri orðið of gamalt en Pálmi er 34 ára og Óskar 35. Þeir stungu hins vegar upp í þá sérfræðinga og birtu myndina væntanlega þeim til heiðurs.
Elliheimilið Grund pic.twitter.com/QmGsD7GsOA
— Palmi Rafn Palmason (@palmirafn) September 22, 2019
Pálmi og Óskar voru báðir frábærir í KR-liðinu í sumar og spiluðu stóran þátt í því að liðið varð meistari en liðið er með ellefa stiga forystu er ein umferð er eftir.
Tengdar fréttir
Umfjöllun, viðtöl og einkunnir: KR - FH 3-2 | Bikarinn á loft í Vesturbænum eftir markaleik
Pálmi Rafn Pálmason tryggði KR-ingum stigin þrjú með marki úr vítaspyrnu í síðari hálfleik er KR lagði FH að Meistaravöllum. Lokatölur 3-2 heimamönnum í vil í síðasta leik liðsins á Meistaravöllum þetta sumarið.
Rúnar: Vissum frá upphafi að við ættum möguleika
Rúnar Kristinsson, þjálfari Íslandsmeistara KR, var eðlilega mjög sáttur eftir 3-2 sigur KR á FH í Frostaskjóli í dag en að leik loknum fór Íslandsmeistarabikarinn á loft.
Skúli Jón: Frábært að fá að enda þetta svona
Það var klökkur Skúli Jón Friðgeirsson sem mætti í viðtal eftir leik en Skúli Jón var að spila sinn síðasta heimaleik fyrir KR.
