Innlent

Frum­varp myndi leyfa sölu á á­fengi í net­verslunum

Eiður Þór Árnason skrifar
Áslaug Arna Sigurbjörnsdóttir, áætlar að leggja fram frumvarpið í mars á næsta ári.
Áslaug Arna Sigurbjörnsdóttir, áætlar að leggja fram frumvarpið í mars á næsta ári. Vísir/Vilhelm
Áslaug Arna Sigurbjörnsdóttir dómsmálaráðherra hyggst leggja fram breytingar á áfengislögum sem leyfi sölu á áfengi í netverslunum hér á landi.



Í lagabreytingafrumvarpinu, sem ríkisstjórnin áætlar að leggja fram á Alþingi í mars á næsta ári, er einnig lagt til að áfengisframleiðendum verði gert heimilt að selja vörur sínar á framleiðslustað. Þetta kemur fram í þingmálaskrá ríkisstjórnarinnar fyrir komandi þing og greindi RÚV fyrst frá.



Verði frumvarpið að lögum yrði öðrum söluaðilum en Áfengis- og tóbaksverslun ríkisins heimilt að selja áfengi í gegnum vefverslanir og myndi það því fela í sér að einkaleyfi ríkisins á áfengissölu hér á landi yrði afnumið, er fram kemur í frétt RÚV.



Samkvæmt núgildandi lögum er þó heimilt að kaupa áfengi í gegnum erlendar vefverslanir og er neytendum þá gert að greiða áfengisgjald og virðisaukaskatt. 




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.