Patrik Sigurður fagnar þessu með því að drífa sig heim til Íslands til að taka þátt í verkefni með 21 árs landsliðinu en þessi efnilegi markvörður gæti spilað í þrjú ár til viðbótar með því.
Patrik hefur verið leikmaður varaliðs Brenford frá því að hann kom til félagsins fyrir rúmu ári en á sama tíma hefur hann stigið fyrstu skrefin sín með íslenska 21 árs landsliðinu þrátt fyrir ungan aldur. Hann spilaði líka fyrsta leikinn með 17 ára landsliðinu þegar hann var aðeins fimmtán ára gamall.
Patrik er enn aðeins átján ára gamall en hann kom upp í gegnum unglingastarfið hjá Breiðabliki. Patrik var í láni hjá ÍR í B-deildinni sumarið 2018 áður en hann fór út til Brentford.
Patrik spilaði sinn fyrsta leik í ensku b-deildinni á síðustu leiktíð þegar hann kom inná sem varamaður á móti Middlesbrough í mars en var að auki sem varamaður í sex öðrum leikjum í deildinni á síðustu leiktíð.
Head Coach Thomas Frank reacts to @patrikgunnars' promotion#BrentfordFCpic.twitter.com/assiY0uqse
— Brentford FC (@BrentfordFC) September 1, 2019
Nú er hins vegar komið að því að taka stóra skrefið upp í aðalliðið hjá Brentford og hefur Patrik þar með fengið flotta stöðuhækkun og það eftir aðeins nokkrar vikur af tímabilinu.
Þjálfari Brentford liðsins, Daninn Thomas Frank, er ánægður með íslenska markvörðinn og hrósaði honum í fréttinni á heimasíðunni hjá Brentford.
„Patrik er ungur leikmaður sem við höfum miklar mætur á. Hann á frábæra framtíð fyrir höndum og er verðandi aðalmarkvörður Brentford ef hann heldur áfram á sömu braut. Hugarfar og viðhorf Patriks er ótrúlegt. Vinnusemi hans og ástríða fyrir því að bæta sig er eitthvað sem allir ættu að taka sér til fyrirmyndar. Hann er líka þegar hátt metinn í klefanum meðal leikmanna aðalliðsins,“ sagði Thomas Frank en Patrik er kallaður Pat hjá Brentford.
Patrik er í hópi 21 árs landsliðsins fyrir leikina gegn Lúxemborg og Armeníu sem fara báðir fram á Víkingsvelli á næstunni. Arnar Þór Viðarsson, landsliðsþjálfari U21 karla, valdi Patrik sem einn af þremur markvörðum liðsins en hinir eru Daði Freyr Arnarsson hjá FH og Elías Rafn Ólafsson hjá Aarhus Fremad.
