Vél ráðherra bilaði í Keflavík
Airbus-flugvél þýska utanríkisráðherrans, Heiko Maas, bilaði tvisvar sinnum á leiðinni frá Þýskalandi til New York, í seinna skiptið á Keflavíkurflugvelli. Tafðist för hans á fund Öryggisráðs Sameinuðu þjóðanna um tvo tíma.
Í nóvember á síðasta ári bilaði vél Angelu Merkel á leið til Argentínu á fund G20. Þurftu flugmenn að fljúga blindflug og lenda neyðarlendingu.
Vegna þessa hafa menn spurt sig um áreiðanleika véla þýska flughersins. Þýska blaðið Rheinische Post hefur ýjað að því að um skemmdarverk eða netárásir sé að ræða.
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
