Joko Widodo, forseti Indónesíu hefur formlega lagt fram tillögu til þjóðþings Indónesíu þess efnis að höfuðborg landsins verði færð frá eyjunni Jövu til eyjarinnar Borneó. Widodo lagði tillöguna fram í ræðu sinni degi áður en að Indónesía fagnar 74 ára sjálfstæðisafmæli. Al Jazeera greinir frá.



Höfuðborg Indónesíu er í dag borgin Jakarta en verði tillaga forsetans samþykkt verður höfuðborgin Kalimantan á eyjunni Borneó.



Um 30 milljónir búa í Jakarta og næsta nágrenni en innviðir borgarinnar þykja ekki ráða við hinn mikla fjölda íbúa. Flóð eru tíð í borginni sem hefur sigið reglulega ásamt því að skólp þykir menga neysluvatn.