Sautján ára strákur tryggði Man. Utd. sigur á Inter | Sjáðu markið
Hinn 17 ára Mason Greenwood skoraði eina mark leiksins þegar Manchester United vann Inter, 1-0, í Singapúr í dag. Þetta var fyrsti leikur liðanna í International Champions Cup-æfingamótinu.
Greenwood hefur nú skorað í tveimur leikjum í röð en hann gerði eitt marka United í 4-0 sigrinum á Leeds United á miðvikudaginn.
Markið kom þegar stundarfjórðungur var til leiksloka. Greenwood fékk boltann þá hægra megin í vítateignum eftir að Samir Handanovic sló aukaspyrnu Ashleys Young til hliðar, fór á vinstri fótinn og þrumaði boltanum í fjærhornið. Markið má sjá hér fyrir neðan.
United hefur unnið alla þrjá leiki sína á undirbúningstímabilinu án þess að fá á sig mark.
Næsti leikur United er gegn Tottenham á fimmtudaginn.
The team news is in, Reds...#MUFC #MUTOUR#ICC2019
— Manchester United (@ManUtd) July 20, 2019
Here come some fresh legs
Multiple changes for #MUFC! #MUTOUR#ICC2019 pic.twitter.com/pjYbaBIjn6
— Manchester United (@ManUtd) July 20, 2019
Tengdar fréttir
Man. Utd. hafnaði tilboði Inter í Lukaku
Inter þarf að hækka tilboð sitt í belgíska framherjann Romelu Lukaku hjá Manchester United.
Lukaku verður ekki með gegn Inter
Ole Gunnar Solskjær gaf út í dag að Romelu Lukaku myndi ekki spila fyrir Manchester United í æfingaleiknum við Inter Milan í Singapúr á morgun.
Manchester United menn í miklu stuði í sigri á Leeds
Manchester United byrjar undirbúningstímabilið vel undir stjórn Ole Gunnars Solskjær en í dag vann liðið sannfærandi 4-0 sigur á Leeds United.
Sautján ára Greenwood gæti fengið stórt tækifæri
Hinn ungi Mason Greenwood gæti fengið að byrja fyrsta leik Manchester United í ensku úrvalsdeildinni á komandi tímabili eftir að hafa heillað í æfingaferð United.
