Sjáðu magnaðan sprett Valgeirs og fyrsta mark Emils í þriðja sigri HK í röð

HK vann 2-0 sigur á FH í Pepsi Max-deild karla í kvöld og Breiðablik gerði markalaust jafntefli við Grindavík.

FH var mun meira með boltann en Emil Atlason, afmælisbarn dagsins, skoraði fyrsta markið á 31. mínútu eftir fyrirgjöf frá Herði Árnasyni.

Skömmu fyrir hálfleik bættu heimamenn við marki. Hinn sextán ára gamli Valgeir Valgeirsson átti frábæran sprett og brotið var á honum innan vítateigs.

Atli Arnarson steig á punktinn og skoraði en staðan 2-0 í hálfleik. FH reyndi og reyndi í síðari hálfleik en allt kom fyrir ekki og lokatölur 2-0.

Mörkin úr leiknum má sjá hér að ofan.