Cloé Lacasse við það að fá íslenskan ríkisborgararétt
Cloé Lacasse verður líklegast íslenskur ríkisborgari á næstu dögum en Allsherjar- og menntamálanefnd Alþingis leggur til tillögu um að hin kanadíska Lacasse fái íslenskan ríkisborgararétt.
Fastlega má gera ráð fyrir að tillagan verði samþykkt en Cloé er ein 32 einstaklinga sem er lagt til að verði veittur ríkisborgararéttur.
Verði sú raunin þá verður Cloé gjaldgeng í íslenska landsliðið.
Cloé er 25 ára og spilar með ÍBV í Pepsi Max deild kvenna. Hún hefur verið í Eyjum frá 2015 og er markahæst í sögu félagsins í efstu deild með 50 mörk.
ÍBV hefur byrjað Pepsi Max deildina ágætlega og er í fjórða sæti með 9 stig eftir sex leiki. Í þessum sex leikjum hefur Clóe gert 7 mörk.
Tengdar fréttir
Einn besti erlendi leikmaðurinn í Pepsi deildinni vill verða Íslendingur
Cloe Lacasse hefur spilað frábærlega með ÍBV liðinu undanfarin þrjú tímabil og hjálpaði Eyjaliðinu að vinna bikarinn í sumar.
