Liverpool fékk meiri pening en meistarar Manchester City

Liverpool fékk talsvert meiri pening en Manchester City frá ensku úrvalsdeildinni á þessu tímabili þrátt fyrir að enda einu sæti neðar en Englandsmeistararnir.

Liverpool vann sér inn 152 milljónir punda frá ensku úrvalsdeildinni en hér erum við að tala um tekjur vegna sölu sjónvarpsréttarins og verðlaunafé. Þetta gera 23,9 milljarða í íslenskum krónum.

Það sem vekur kannski mesta athygli er að þetta eru 1,44 milljónum punda meira en Englandsmeistarar Manchester City fengu í sama uppgjöri. 226 milljónir íslenskra króna er mikill munur.

Liverpool earned £1.44m more from the Premier League than champions Manchester City after featuring in the most live UK television games.

Read more: https://t.co/04ekcS8ltfpic.twitter.com/kt3R7hj8H8

— BBC Sport (@BBCSport) May 23, 2019

Ástæðan er að Liverpool var oftar í beinni útsendingu en lið Manchester City. 29 leikir voru sýndir hjá Liverpool en 26 hjá Manchester City.

Lærisveinar Pep Guardiola fengu samt 38,4 milljónir punda fyrir að vinna deildina sem er 2 milljónum punda meira en lærisveinar Jürgen Klopp fengu fyrir annað sætið.

Huddersfield rak lestina á þessum peningalista en fékk engu að síður 96,6 milljónir punda eða tæpa 15,2 milljarða íslenskra króna.

Heildargreiðslur til félaganna frá ensku úrvalsdeildinni vegna 2018-19:

(Raðað eftir lokastöðu í deildinni)

Manchester City    (26 leikir)    150.986.355 pund

Liverpool    (29 leikir)    152.425.146 pund

Chelsea    (25 leikir)    146.030.216 pund

Tottenham    (26 leikir)    145.230.801 pund

Arsenal    (25 leikir)    142.193.180 pund

Manchester United    (27 leikir)    142.512.868 pund

Wolves    (15 leikir)    127.165.114 pund

Everton    (18 leikir)    128.603.905 pund

Leicester    (15 leikir)    123.328.078 pund

West Ham    (16 leikir)    122.528.663 pund

Watford    (10 leikir)    113.895.527 pund

Crystal Palace    (12 leikir)    114.215.215 pund

Newcastle    (19 leikir)    120.130.418 pund

Bournemouth    (10 leikir)    108.139.973 pund

Burnley    (11 leikir)    107.340.558 pund

Southampton    (10 leikir)    104.302.937 pund

Brighton    (13 leikir)    105.741.728 pund

Cardiff    (12 leikir)    102.704.107 pund

Fulham    (13 leikir)    101.904.692 pund

Huddersfield    (10 leikir)    96.628.865 pund