Erlent

Unglingar sem skutu skólafélaga í Colorado ákærðir

Kjartan Kjartansson skrifar
Frá skólanum í Highlands Ranch þar sem skotárásin var framin fyrr í þessum mánuði.
Frá skólanum í Highlands Ranch þar sem skotárásin var framin fyrr í þessum mánuði. Vísir/AP

Tveir unglingar sem skutu skólafélaga sinn til bana og særðu átta aðra í framhaldsskóla í Denver í Bandaríkjunum voru formlega ákærðir í dag. Dómarinn í málinu hefur úrskurðað að leynd skuli ríkja um gögn málsins.

Ungmennin eru 18 og 16 ára gömul. Þau eru sökuð um að hafa hafið skothríð í tveimur kennslustofum í raungreinaskóla í Highlands Ranch í Colorado í Bandaríkjunum 7. maí. Yngri sakborningurinn skilgreinir sig sem karlmann en á dagskrá dómstólsins var hann skráður undir kvennafni, að sögn Reuters-fréttastofunnar.

Réttarhöldin fara fram fyrir luktum dyrum en áður en það var ákveðið kom fram að yngri sakborningurinn hefði verið ákærður fyrir morð að yfirlögðu ráði. Réttað verði yfir honum sem fullorðnum einstaklingi.

Talið er að ungmennin hafi stolið skammbyssum sem þau notuðu við árásina frá foreldrum annars þeirra. Foreldrarnir hafi keypt skotvopnin löglega.


Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.