„Nýi Ronaldo“ verður ekki seldur í sumar
Joao Felix, sem hefur verið nefndur hinn nýi Cristiano Ronaldo, verður ekki seldur í sumar því Benfica ætlar sér að ná í Evrópubikar.
Hinn nítján ára Felix er sagður eftirsóttur af Real Madrid, Manchester United og Juventus. Hann er með 13 mörk og átta stoðsendingar í 22 deildarleikjum.
Luis Filipe Viera, forseti Benfica, sagði félagið ætla að gera allt sem í þess valdi stendur til þess að koma í veg fyrir að ungir leikmenn fari.
„Ég get svo gott sem fullyrt að enginn mun fara á þessu ári eða því næsta og ég geri allt í mínu valdi til þess að það verði,“ sagði Viera.
Felix er samningsbundinn Benfica til 2023 en er með 120 milljón evra uppsagnarákvæði í samningnum.
Hann varð á dögunum yngsti leikmaðurinn í sögunni til þess að skora þrennu í Evrópudeildinni þegar Benfica vann Frankfurt 4-2.
„Benfica getur stefnt að því að vinna Evróputitil með því að halda í gildin, að spila á uppöldum, ungum leikmönnum,“ sagði Viera.
Tengdar fréttir
„Nýi Cristiano Ronaldo“ er farinn að raða inn mörkum í Evrópu
Undrabarnið sem er af sumum kallaður hinn "nýi Cristiano Ronaldo“ hækkaði örugglega mikið í verði eftir frammistöðu sína á leikvangi ljóssins í Lissabon í gærkvöldi.
Ætla að hækka verðið á „nýja Ronaldo“
Benfica ætlar sér að hækka verðmiðann á riftunarákvæðinu í samningi Joao Felix eða „nýja Ronaldo.“
Man. City að reyna að ná „nýja Ronaldo“ á undan Man. United
Manchester City er sagt vera að undirbúa tilboð í nýja undrabarnið í portúgalska fótboltanum en margir hafa líkt sama strák við sjálfan Cristiano Ronaldo.
