Goðsagnir rifja upp leiki United og Liverpool: „120 leikja banns virði“

Gary Neville og Jamie Carragher eru tveir af hörðustu leikmönnum sinna félaga í gegnum tíðina enda þekkja þeir ekkert annað en að spila fyrir Manchester United (Neville) og Liverpool (Carragher).

Manchester United tekur á móti Liverpool í stórleik helgarinnar í ensku úrvalsdeildinni og er þetta í augum margra einn af úrslitaleikjum mótsins. Liverpool er á eftir sínum fyrsta Englandsmeistaratitli í 29 ár og Manchester United getur heldur betur hjálpað til að koma í veg fyrir það.

"It was worth a 120-match ban!"

Own goals, tough tackles and badge-kissing - Gary Neville and Jamie Carragher relive their classic Man Utd vs Liverpool moments: https://t.co/k7CsX8YZ28pic.twitter.com/Pwt0ez6O8W

— Sky Sports Premier League (@SkySportsPL) February 21, 2019

Sky Sports fékk á sínum tíma þá Gary Neville og Jamie Carragher til að fara yfir nokkur eftirminnileg atvik í leikjum Manchester United og Liverpool í gegnum tíðina er þar er af nægu að taka.

Sjálfsmörk, grófar tæklingar og kossar eru meðal þess sem GaryNeville og JamieCarragher fara yfir í þessari skemmtilegu og litríku upprifjun.

Eitt af atvikunum er frá leik ManchesterUnited og Liverpool frá því í janúar 2006 þegar GaryNeville kyssti ManchesterUnited merkið eftir að Rio Ferdinand skoraði sigurmarkið í lok leiksins.

„Liverpool stuðningsmennirnir voru búnir að syngja söngva um mig allan leikinn og mér fannst að sjálfsögðu að þeir ættu að fá eitthvað til baka. Þetta var mark á síðustu sekúndunni og ég fékk tíu þúsund punda sekt fyrir þetta,“ sagði GaryNeville.

„Var það þess virði?,“ spurði þá JamieCarragher.

„Pottþétt. Þetta var virði 120 leikja banns. Þetta var ein af mínum bestu stundum því okkur gekk illa á þessum tíma og höfðum ekki unnið ensku deildin í þrjú ár. Mér leið eins og þetta væri okkar besta stund í mörg ár. Í hvers skipti sem við skorum á móti Liverpool og hvað þá sigurmark þá fagnaði ég sérstaklega vel. Ég held að StevenGerrard hafi líka fagnað fyrir framan stuðningsmenn United nokkrum sinum. RobbieFowler gerði það örugglega líka nokkrum sinnum,“ sagði GaryNeville.

Aðrir leikir sem fengu umfjöllun um eftirminnileg atvik voru 3-1 sigur Liverpool á ManchesterUnited í mars 2011, 1-0 útisigur Liverpool á ManchesterUnited í desember 2000, 2-1 sigur ManchesterUnited á Liverpool í mars 2010, 1-0 sigur Liverpool á United í febrúar 2006 og 3-2 útisigur Manchester United á Liverpool í september 1999 þar sem JamieCarragher skoraði tvö sjálfsmörk.

Það má nálgast upprifjun goðsagnanna tveggja mér því að smella hér.