Pochettino: Son er eins og batterí

Mauricio Pochettino, stjóri Tottenham, hrósaði Son Heung-min í hástert eftir að Son tryggði Tottenham 1-0 sigur á Newcastle í hádegisleik dagsins.

Sigurmarkið kom sjö mínútum fyrir lok venjulegs leiktíma en eftir að hafa komið til baka úr Asíukeppninni hefur Son skorað í tveimur síðustu leikjum Tottenham.

„Sonny er eins og batterí - hann vinnur, vinnur og vinnur þangað til batteríið er búið,“ sagði Pochettino eftir sigur dagsins.

„Hann er eins og hann er. Hann gefur allt í þetta og þegar hann er búinn á því lætur hann vita að hann þarf pásu. Á vellinum er hann alltaf 100% tilbúinn í hverja einustu baráttu.“

„Hann leggur svo hart að sér. Hann gefst aldrei upp og reynir, reynir, reynir og reynir,“ sagði Argentínumaðurinn rúmlega ánægður með Suður-Kóreumanninn.

"He's like a battery!"

Spurs manager Mauricio Pochettino was full of praise for forward Son Heung-min https://t.co/sTf4vi7uNt pic.twitter.com/YqwtcRXRua

— BBC Sport (@BBCSport) February 2, 2019