Enski boltinn

Barcelona og Liverpool staðfesta samkomulag um kaupverðið á Coutinho

Kristinn Páll Teitsson skrifar
Barcelona og Liverpool sendu frá sér sitt hvora tilkynninguna nú rétt í þessu þar sem staðfest er að þau hafi komist að samkomulagi um kaupverðið á Philippe Coutinho, brasilíska landsliðsmanninum.

Coutinho ferðaðist nú í kvöld til Barcelona þar sem hann fer í læknisskoðun og ætti að skrifa undir samning á næstu dögum.

Er hann skrifar undir verður hann um leið næst dýrasti leikmaðurinn í sögunni á eftir liðsfélaga sínum hjá brasilíska landsliðinu, Neymar.

Eins og fjallað var um á Vísi fyrr í dag ferðaðist Coutinho ekki með Liverpool til Dubai enda var stutt í að félögin kæmust að samkomulagi.

Neitaði hann að taka þátt í leik liðsins gegn Everton í enska bikarnum sem Liverpool vann 2-1 á heimavelli.

Talið er að hann verði kynntur til leiks sem leikmaður Barcelona á mánudaginn og gæti fyrsti leikur hasn því verið gegn Celta Vigo á fimmtudaginn næstkomandi í spænska bikarnum.

Enski boltinn

Tengdar fréttir

Nike bauð upp á nafn Coutinho á Barcelona treyju

Umræðan um möguleg félagsskipti Philippe Couthinho frá Liverpool til Barcelona hefur farið mikinn síðan í sumar þegar félagið reyndi ítrekað, en án árangurs, að kaupa Brasilíumanninn.

Mest lesið


Fleiri fréttir

Sjá meira


×

Mest lesið