Þrettán ár síðan að Newcastle eyddi mest í einn leikmann: Metið sem stendur enn

Stóru fótboltafélög heimsins eru flest vön því að slá metið yfir dýrasta leikmann félagsins á hverju ári.

Verð fótboltamanna hefur hækkað ótrúlega síðustu ár og því er það stórmerkilegt að met eins liðs í ensku úrvalsdeildinni sé orðið þrettán ára gamalt.

Í dag 30. ágúst eru nefnilega liðin heil þrettán ár síðan að Newcastle United gerði Michael Owen að dýrasta leikmanni félagsins.

#OnThisDay in 2005 Michael Owen passed a medical at Newcastle ahead of becoming the club's record signing.

13 years on, that £17m fee is STILL the #NUFC transfer record... pic.twitter.com/MAxuEsiHCa

— Match of the Day (@BBCMOTD) August 30, 2018

Á þessum degi árið 2005 þá keypti Newcastle United Michael Owen frá spænska stórliðinu Real Madrid fyrir sautján milljónir punda.

Owen tók þar með titilinn dýrasti leikmaðurinn í sögu Newcastle af Alan Shearer og hefur haldið honum síðan. Shearer hafði verið sá dýrasti hjá félaginu í níu ár.

Michael Owen sló í gegn sem leikmaður Liverpool frá 1996 til 2004 en hafði verið í eitt tímabil hjá Real Madrid.

Liverpool vildi kaupa Owen aftur en var ekki tilbúið að borga svona mikið fyrir hann. Real Madrid keypti hann á átta milljónir punda frá Liverpool um miðjan ágúst 2004 eða aðeins rúmum tólf mánuðum fyrr.

On this day in 2005, Newcastle signed Michael Owen for a club record £17m...

And he is still their record signing, 13 years later...  pic.twitter.com/fztabuclbQ

— TheFootballRepublic (@TheFootballRep) August 30, 2018

Michael Owen bryjaði vel hjá Newcastle og skoraði 7 mörk í fyrstu 8 deildarleikjunum en varð svo fyrir því að ristarbrotna og lék aðeins einn leik til viðbótar á leiktíðinni.

Owen sleit síðan krossband í fyrsta leik Englands á HM 2006 og missti af nær öllu 2006-07 tímabilinu.

Owen lék tvö tímabil í viðbót með Newcastle, skoraði 11 mörk í 29 leikjum 2007-08 og 8 mörk í 28 leikjum 2008-09.

Þegar fimm ára samningur Michael Owen rann út þá samdi hann við Manchester United og spilaði þar næstu tímabil. Hann lagði svo skóna á hilluna sem leikmaður Stoke City eftir 2012-13 tímabilið.

Dýrustu leikmennirnir í sögu Newcastle United:

1. Michael Owen, frá Real Madrid - 17 milljónir punda 2005

2. Alan Shearer, frá Blackburn Rovers - 15 milljónir punda 1996

3. Georginio Wijnaldum, frá PSV Eindhoven - 14,5 milljónir pund 2014

4. Aleksandar Mitrovic, frá RSC Anderlecht - 13 milljónir pund 2014

5. Florian Thauvin, frá Olympique Marseille - 13 milljónir pund 2014