Harvey Weinstein ákærður fyrir nauðgun
Ákærudómstóll í New York gaf út ákæru á hendur Harvey Weinstein vegna nauðgunar og kynferðisbrota. Kvikmyndaframleiðandinn hefur verið sakaður um fjölda kynferðisbrota undanfarna mánuði og var handtekinn í síðustu viku.
CNN-fréttastöðin segir að Weinstein ætli að lýsa sig saklausan af ákærunni. Hann gengur laus gegn tíu milljón dollara tryggingu. Hann þarf hins vegar að bera GPS-tæki til að hægt sé að fylgjast með ferðum hans. Weinstein má aðeins ferðast innan New York- og Connecticut-ríkja.
Brotin sem ákært er fyrir á Weinstein að hafa framið gegn tveimur konum árin 2013 og 2014. Rannsóknin stendur enn yfir, að sögn saksóknara.
Weinstein kom fyrir dómara á föstudag eftir að hafa gefið sig fram við lögreglu í New York.
Tengdar fréttir
Verjandi Weinsteins á erfitt verk fyrir höndum: „Hann er táknmynd níðingsins“
Lögfræðingar eru sammála um að Ben Brafman, verjandi Weinsteins, eigi erfitt verk fyrir höndum.
Harvey Weinstein búinn að gefa sig fram við lögreglu í New York
Weinstein hefur verið til rannsóknar hjá lögreglunni undanfarna mánuði vegna gruns um kynferðisbrot gegn fjölda kvenna.
Harvey Weinstein ákærður fyrir nauðgun og fleiri kynferðisbrot
Weinstein gaf sig í morgun fram við lögregluyfirvöld í New York en hann hefur verið til rannsóknar hjá lögreglunni undanfarna mánuði.
