Ísland er í 18. sæti á svokölluðu regnbogakorti sem ILGA-Europe-samtökin gefa út ár hvert en með kortinu er staða réttinda hinsegin fólks í Evrópu tekin saman.
Greint er frá málinu á vefnum GayIceland og rætt við Unnstein Jóhannsson, alþjóðafulltrúa Samtakanna ´78. Hann segir að Ísland standi í raun í stað á listanum þó að það falli um tvö sæti; fari úr því sextánda í 18.-20.
Hann segir þetta ekki koma á óvart þar sem engar lagabreytingar hafa verið gerðar síðastliðið ár á þeim þáttum sem regnbogakortið tekur til.
Unnsteinn segir að Ísland sé ekki að tapa neinum stigum heldur sé hér stöðnun þegar kemur að réttindum hinsegin fólks. Á meðan séu aðrar Evrópuþjóðir að sækja fram í þessum málum.
Nánar má lesa um málið á vef GayIceland.
Ísland í 18. sæti á regnbogakortinu
Tengdar fréttir
Framlag ríkisins til Samtakanna ´78 tvöfaldað
Samkvæmt þjónustusamningnum fá Samtökin ´78 greiddar 12 milljónir króna á þessu ári til að sinna þeim verkefnum sem tilgreind eru
Öruggur staður fyrir hinsegin ungmenni
Hátt í fimmtíu ungmenni mæta á þriðjudagskvöldum í hinsegin félagsmiðstöð við Suðurgötu.
Gera þarf betur hvað varðar mannréttindi intersex-fólks
Á Íslandi skortir víðtækari jafnréttislöggjöf sem bannar mismunun á grundvelli kynhneigðar, kynvitundar og kyneinkenna. Þá eru mannréttindi intersex fólks oft virt að vettugi.
