Erlent

Djukanovic lýsti yfir sigri í Svartfjallalandi

Kristín Ólafsdóttir skrifar
Djukanovic fagnaði með stuðningsmönnum þegar úrslit kosninganna voru ljós.
Djukanovic fagnaði með stuðningsmönnum þegar úrslit kosninganna voru ljós. Vísir/AFP
Milo Djukanovic, fyrrverandi forseti og forsætisráðherra Svartfjallalands, hefur lýst yfir sigri í forsetakosningunum þar í landi sem fóru fram í dag. Samkvæmt frétt Sky-fréttastofunnar er búist við því að hann hljóti 53,8 prósent atkvæða.

Djukanovic, sem er formaður Jafnaðarmannaflokksins í Svartfjallalandi, hefur verið leiðandi afl í svartfellskum stjórnmálum um nokkuð skeið. Hann gegndi embætti forsætisráðherra landsins frá 1991-1998, embætti forseta frá 1998-2002, og svo settist hann aftur í forsætisráðherrastólinn árin 2003-2006, 2008-2010 og svo frá 2012-2016.

Mladen Bojanic, helsti andstæðingur Djukanovic í nýafstöðnum kosningum, hefur játað sig sigraðan með rétt rúm 34 prósent atkvæða.

Djukanovic er hlynntur inngöngu Svartfjallalands í Evrópusambandið og þá gekk landið í NATO undir forystu hans.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.