Síle verður mótherji Íslands í úrslitaleik Kínabikarsins á sunnudagsmorgun en Síle lagði Króatíu í vítaspyrnukeppni í seinni undanúrslitaleiknum í dag.
César Pinares kom Síle yfir á 19. mínútu leiksins en Franko Andrijasevic jafnaði metin fyrir króatíska liðið þegar um fimmtán mínútur voru til leiksloka.
Króatíu gekk mjög illa að koma boltanum í netið í vítaspyrnukeppninni sem Síle vann, 4-1. Sigurlaunin eru úrslitaleikur gegn Íslandi, sem vann Kína 2-0 í gær, á sunnudaginn klukkan 7.30. Leikurinn verður í beinni útsendingu á Stöð 2 Sport HD.
Þetta verður fyrsti leikur íslenska landsliðsins gegn liði frá Suður-Ameríku í fimmtán ár eða síðan Brassar tóku okkur í bakaríið í vináttuleik árið 2002.
Ísland lagði Kína í undanúrslitum í gær, 2-0, þar sem Kjartan Henry Finnbogason og Aron Sigurðarson skoruðu mörkin. Króatía og Kína mætast í leiknum um bronsið á laugardaginn.
Ísland mætir Síle í úrslitum Kínabikarsins
Tengdar fréttir
Kjartan Henry: Mikilvægt að ná inn marki
Framherjinn braut ísinn fyrir íslenska liðið sem lagði Kína 2-0 og komst í úrslitaleikinn.
Varamennirnir komu Íslandi í úrslit Kínabikarsins | Sjáðu mörkin
Kjartan Henry Finnbogason og Aron Sigurðarson skoruðu sitthvort markið í seinni hálfleik er strákarnir okkar lögðu Kína í fyrsta leik ársins.
Söguleg frumraun Alberts: Fjórði ættliðurinn sem spilar A-landsleik fyrir Ísland
Albert Guðmundsson fetaði í fótspor langafa síns, afa og foreldra en þau voru öll landsliðsfólk.
Heimir: Frábært að fá þetta rétta viðhorf inn á völlinn
Heimir Hallgrímsson, landsliðsþjálfari Íslands í fótbolta, var ánægður með innkomu varamannanna í 2-0 sigrinum gegn Kína í dag.
Aron: Fannst markvörðurinn eiga að verja þetta skot
Aron Sigurðarson kom inn á sem varamaður á móti Kína og skoraði sitt annað landsliðsmark í öðrum landsleiknum.
Sjáðu glæsilegan snúning Björns Daníels er Ísland komst yfir
Ísland hefur 1-0 forystu gegn Kína í leik liðanna í Nanning.
