Upphitun: Stórleikur á Anfield og Gylfi mætir meisturunum

Þriðja umferð ensku úrvalsdeildarinnar klárast í dag með fjórum leikjum.

Tveir stórleikir fara fram í dag. Í hádeginu fer Gylfi Þór Sigurðsson með félögum sínum í Everton til Lundúna og mætir Englandsmeisturum Chelsea. Leikurinn er sýndur í beinni útsendingu á Stöð 2 Sport og hefst klukkan 12:30.

Hinn stórleikur dagsins hefst klukkan 15:00 þegar Liverpool tekur á móti Arsenal á Anfield. Sá leikur er einnig í beinni útsendingu á Stöð 2 Sport.

Jóhann Berg Guðmundsson er einnig á leið til Lundúna þar sem Burnley mætir Tottenham á Wembley klukkan 15:00.

Hinn leikur dagsins eru svo viðureign West Bromwich Albion og Stoke City klukkan 12:30.