Tveggja þrennu jól hjá Kane Ingvi Þór Sæmundsson skrifar 27. desember 2017 06:00 Son Heung-Min pússar markaskóna hjá Harry Kane sem hefur skorað þrennu í tveimur leikjum í röð. vísir/getty Jólin eru hátíð ljóss og friðar og þau voru líka hátíðin hans Harrys Kane þetta árið. Þessi magnaði framherji skoraði þrennu í báðum leikjum Tottenham um jólin og er orðinn markahæstur í ensku úrvalsdeildinni með 18 mörk. „Ég þarf að finna herbergi fyrir þá. Núna eru þeir bara allir inni í skáp,“ sagði Kane aðspurður hvað hann gerði við alla boltana sem hann fengi að eiga eftir að hafa skorað þrennu.Sló met Shearers Kane skoraði átta þrennur á árinu 2017 og endaði það með 56 mörk, fleiri en kappar á borð við Lionel Messi (54) og Cristiano Ronaldo (53). Hann bætti einnig 22 ára gamalt met Alans Shearer yfir flest mörk í ensku úrvalsdeildinni á einu ári. Kane skoraði 39 mörk í aðeins 36 deildarleikjum árið 2017. „Þetta var frábært ár. Að vera líkt við leikmenn á borð við Shearer og Messi er það sem þetta snýst allt um. Það var frábært að enda árið með þrennu,“ sagði Kane. Tölfræði skiptir ekki öllu máli í stóra samhenginu. En hún sýnir að Harry Kane skorar alltaf og á móti öllum. Nema í ágúst.Skorar meira með vinstri Það er alveg sama hvort Kane lætur vaða með hægri eða vinstri fæti. Það er allt inni. Á þessu tímabili hefur hann skorað átta deildarmörk með vinstri, sjö með hægri og þrjú með skalla. Kane getur skotið úr nánast öllum mögulegum og ómögulegum stöðum og kemur boltanum oftast nær á markið. Þótt Kane hafi verið óstöðvandi hefur frammistaða Tottenham á tímabilinu verið upp og ofan. Liðið hefur tapað fleiri deildarleikjum en það gerði allt tímabilið í fyrra og er löngu búið að stimpla sig út úr baráttunni um Englandsmeistaratitilinn. Frammistaðan í Meistaradeild Evrópu hefur hins vegar verið frábær. Tottenham fékk flest stig allra í riðlakeppninni (16) og vann riðil sem innihélt Real Madrid og Borussia Dortmund. Framfarirnar í Meistaradeildinni eru miklar frá því á síðasta tímabili.Þurfa að byrja að vinna titla Tottenham verður að halda áfram að þroskast og það hratt. Þrátt fyrir góða spilamennsku síðan Mauricio Pochettino tók við Tottenham 2014 hefur liðið ekki enn unnið titil undir hans stjórn. Það þarf að breytast fyrr en seinna ef Tottenham ætlar að halda sama leikmannahópi. Það er engin vöntun á stórum liðum sem hafa áhuga á helstu stjörnum Tottenham. Hjá þeim stærstu eiga stjörnur Spurs meiri möguleika á að vinna titla og fá hærri laun. Daniel Levy, stjórnarformaður Tottenham, heldur fast um veskið og leikmenn liðsins eru á frekar lágum launum miðað við stærstu stjörnurnar í ensku úrvalsdeildinni. Það eru ekki bara leikmenn Tottenham sem eru eftirsóttir heldur einnig Pochettino. Argentínumaðurinn hefur m.a. verið orðaður við Paris Saint-Germain sem hann lék með á árum áður. Pochettino hefur búið til frábært lið hjá Tottenham og stuðningsmenn þess vonast auðvitað til þess að sami kjarni haldist hjá liðinu og hjálpi því að bæta bikurum í bikaraskápinn á nýjum White Hart Lane sem verður tekinn í gagnið á næsta tímabili. Tottenham vann síðast titil 2008 og stuðningsmennina lengir eftir öðrum.Stóru málin eftir helgina í enska boltanumStærstu úrslitin Stoke vann 3-1 sigur á West Brom á Þorláksmessu og það bjargaði líklega starfi Marks Hughes sem þótti sitja í afar heitu sæti eftir slakt gengi í vetur. Stoke kom svo til baka og náði í stig gegn Huddersfield í gær. Stoke er komið upp í 13. sæti deildarinnar.Hvað kom á óvart? Sam Allardyce hefur unnið mikið í varnarleik Everton. Liðið hélt hreinu í báðum leikjum sínum um jólin; gegn Chelsea og gegn West Brom. Í þeim sex leikjum sem Stóri Sam hefur stýrt Everton í hefur Jordan Pickford, markvörður liðsins, aðeins tvisvar sinnum þurft að sækja boltann í netið.Mestu vonbrigðin Manchester United gerði 2-2 jafntefli í báðum leikjum sínum um jólin. Liðið fékk á sig jöfnunarmark í uppbótartíma gegn 10 Leicester-mönnum á Þorláksmessu og í gær lenti United 0-2 undir gegn Burnley á Old Trafford. Jesse Lingard tryggði United stig með tveimur mörkum. Enski boltinn Mest lesið „Ég er aldrei sáttur“ Fótbolti „Ég er glaður að Eiður Smári sé ekki hérna“ Fótbolti Sviptur fyrirliðabandinu og mun aldrei spila fyrir þjálfara Póllands Fótbolti Gerðu Bellingham að stórstjörnu og kaupa nú bróður hans Sport Fóru yfir endurkomu Söndru: „Þetta er bara besti bitinn“ Fótbolti Shai setti stigamet þegar OKC jafnaði úrslitaeinvígið Körfubolti „Ég myndi spila fótbrotinn fyrir landsliðið“ Fótbolti Sautján ára Íslendingur vann brons í fullorðinsflokki Sport Greindi sjálfur frá því að hann hafi verið rekinn Fótbolti Fer frá City eftir aðeins tvo leiki en tólf titla á sex árum Enski boltinn Fleiri fréttir Thomas Frank að taka við Tottenham Fer frá City eftir aðeins tvo leiki en tólf titla á sex árum Liverpool hækkar tilboð sitt Man. United gat ekki neitt en græddi samt meiri pening Leikmenn Tottenham sagðir öskuillir og í uppreisnarhug eftir brottrekstur Ange Rekinn frá Tottenham Segir nýja Brassann hjá Chelsea geta orðið eins góður og Lamine Yamal Dómari í enska boltanum segist hata VAR Liverpool byrjar undirbúningstímabilið á móti Stefáni Teiti Hættur eftir að hafa spilað með 42 liðum Kerkez spilar ekki með Ungverjum: Sagður á leið til Liverpool að skrifa undir Liverpool hafnaði tilboði Barcelona Sonur Bruno Fernandes mætti á æfingu hjá FH Stjörnur Chelsea spiluðu saman í unglingaliði City Mbuemo fer fram á fimmfalt hærri laun Rio Ferdinand: Ég er skotskífa vegna gengis Man United Írskur smáklúbbur græðir meira en hálfan milljarð þökk sé Liverpool Brady byggir nýjan leikvang fyrir Willum og Alfons Margir leikmenn á förum frá Arsenal Segist ekki vilja taka tíuna hjá Liverpool af Mac Allister City búið að semja um kaupverð á Reijnders Enska landsliðið æfir í upphituðum tjöldum til að undirbúa sig fyrir HM Sancho samdi ekki við Chelsea sem þarf að borga sekt Bruno ætlar ekki að sækja seðlana í Sádi-Arabíu Mbuemo sagður vilja fara til Manchester United Hóta Abramovich lögsókn og vilja láta Úkraínu fá Chelsea peninginn Leikmenn ensku stórliðanna kvarta við leikmannasamtökin Gætu hent Crystal Palace út úr Evrópudeildinni Man. City vill fá bakvörð frá Úlfunum Beckham óánægður með hegðun leikmanna Manchester United Sjá meira
Jólin eru hátíð ljóss og friðar og þau voru líka hátíðin hans Harrys Kane þetta árið. Þessi magnaði framherji skoraði þrennu í báðum leikjum Tottenham um jólin og er orðinn markahæstur í ensku úrvalsdeildinni með 18 mörk. „Ég þarf að finna herbergi fyrir þá. Núna eru þeir bara allir inni í skáp,“ sagði Kane aðspurður hvað hann gerði við alla boltana sem hann fengi að eiga eftir að hafa skorað þrennu.Sló met Shearers Kane skoraði átta þrennur á árinu 2017 og endaði það með 56 mörk, fleiri en kappar á borð við Lionel Messi (54) og Cristiano Ronaldo (53). Hann bætti einnig 22 ára gamalt met Alans Shearer yfir flest mörk í ensku úrvalsdeildinni á einu ári. Kane skoraði 39 mörk í aðeins 36 deildarleikjum árið 2017. „Þetta var frábært ár. Að vera líkt við leikmenn á borð við Shearer og Messi er það sem þetta snýst allt um. Það var frábært að enda árið með þrennu,“ sagði Kane. Tölfræði skiptir ekki öllu máli í stóra samhenginu. En hún sýnir að Harry Kane skorar alltaf og á móti öllum. Nema í ágúst.Skorar meira með vinstri Það er alveg sama hvort Kane lætur vaða með hægri eða vinstri fæti. Það er allt inni. Á þessu tímabili hefur hann skorað átta deildarmörk með vinstri, sjö með hægri og þrjú með skalla. Kane getur skotið úr nánast öllum mögulegum og ómögulegum stöðum og kemur boltanum oftast nær á markið. Þótt Kane hafi verið óstöðvandi hefur frammistaða Tottenham á tímabilinu verið upp og ofan. Liðið hefur tapað fleiri deildarleikjum en það gerði allt tímabilið í fyrra og er löngu búið að stimpla sig út úr baráttunni um Englandsmeistaratitilinn. Frammistaðan í Meistaradeild Evrópu hefur hins vegar verið frábær. Tottenham fékk flest stig allra í riðlakeppninni (16) og vann riðil sem innihélt Real Madrid og Borussia Dortmund. Framfarirnar í Meistaradeildinni eru miklar frá því á síðasta tímabili.Þurfa að byrja að vinna titla Tottenham verður að halda áfram að þroskast og það hratt. Þrátt fyrir góða spilamennsku síðan Mauricio Pochettino tók við Tottenham 2014 hefur liðið ekki enn unnið titil undir hans stjórn. Það þarf að breytast fyrr en seinna ef Tottenham ætlar að halda sama leikmannahópi. Það er engin vöntun á stórum liðum sem hafa áhuga á helstu stjörnum Tottenham. Hjá þeim stærstu eiga stjörnur Spurs meiri möguleika á að vinna titla og fá hærri laun. Daniel Levy, stjórnarformaður Tottenham, heldur fast um veskið og leikmenn liðsins eru á frekar lágum launum miðað við stærstu stjörnurnar í ensku úrvalsdeildinni. Það eru ekki bara leikmenn Tottenham sem eru eftirsóttir heldur einnig Pochettino. Argentínumaðurinn hefur m.a. verið orðaður við Paris Saint-Germain sem hann lék með á árum áður. Pochettino hefur búið til frábært lið hjá Tottenham og stuðningsmenn þess vonast auðvitað til þess að sami kjarni haldist hjá liðinu og hjálpi því að bæta bikurum í bikaraskápinn á nýjum White Hart Lane sem verður tekinn í gagnið á næsta tímabili. Tottenham vann síðast titil 2008 og stuðningsmennina lengir eftir öðrum.Stóru málin eftir helgina í enska boltanumStærstu úrslitin Stoke vann 3-1 sigur á West Brom á Þorláksmessu og það bjargaði líklega starfi Marks Hughes sem þótti sitja í afar heitu sæti eftir slakt gengi í vetur. Stoke kom svo til baka og náði í stig gegn Huddersfield í gær. Stoke er komið upp í 13. sæti deildarinnar.Hvað kom á óvart? Sam Allardyce hefur unnið mikið í varnarleik Everton. Liðið hélt hreinu í báðum leikjum sínum um jólin; gegn Chelsea og gegn West Brom. Í þeim sex leikjum sem Stóri Sam hefur stýrt Everton í hefur Jordan Pickford, markvörður liðsins, aðeins tvisvar sinnum þurft að sækja boltann í netið.Mestu vonbrigðin Manchester United gerði 2-2 jafntefli í báðum leikjum sínum um jólin. Liðið fékk á sig jöfnunarmark í uppbótartíma gegn 10 Leicester-mönnum á Þorláksmessu og í gær lenti United 0-2 undir gegn Burnley á Old Trafford. Jesse Lingard tryggði United stig með tveimur mörkum.
Enski boltinn Mest lesið „Ég er aldrei sáttur“ Fótbolti „Ég er glaður að Eiður Smári sé ekki hérna“ Fótbolti Sviptur fyrirliðabandinu og mun aldrei spila fyrir þjálfara Póllands Fótbolti Gerðu Bellingham að stórstjörnu og kaupa nú bróður hans Sport Fóru yfir endurkomu Söndru: „Þetta er bara besti bitinn“ Fótbolti Shai setti stigamet þegar OKC jafnaði úrslitaeinvígið Körfubolti „Ég myndi spila fótbrotinn fyrir landsliðið“ Fótbolti Sautján ára Íslendingur vann brons í fullorðinsflokki Sport Greindi sjálfur frá því að hann hafi verið rekinn Fótbolti Fer frá City eftir aðeins tvo leiki en tólf titla á sex árum Enski boltinn Fleiri fréttir Thomas Frank að taka við Tottenham Fer frá City eftir aðeins tvo leiki en tólf titla á sex árum Liverpool hækkar tilboð sitt Man. United gat ekki neitt en græddi samt meiri pening Leikmenn Tottenham sagðir öskuillir og í uppreisnarhug eftir brottrekstur Ange Rekinn frá Tottenham Segir nýja Brassann hjá Chelsea geta orðið eins góður og Lamine Yamal Dómari í enska boltanum segist hata VAR Liverpool byrjar undirbúningstímabilið á móti Stefáni Teiti Hættur eftir að hafa spilað með 42 liðum Kerkez spilar ekki með Ungverjum: Sagður á leið til Liverpool að skrifa undir Liverpool hafnaði tilboði Barcelona Sonur Bruno Fernandes mætti á æfingu hjá FH Stjörnur Chelsea spiluðu saman í unglingaliði City Mbuemo fer fram á fimmfalt hærri laun Rio Ferdinand: Ég er skotskífa vegna gengis Man United Írskur smáklúbbur græðir meira en hálfan milljarð þökk sé Liverpool Brady byggir nýjan leikvang fyrir Willum og Alfons Margir leikmenn á förum frá Arsenal Segist ekki vilja taka tíuna hjá Liverpool af Mac Allister City búið að semja um kaupverð á Reijnders Enska landsliðið æfir í upphituðum tjöldum til að undirbúa sig fyrir HM Sancho samdi ekki við Chelsea sem þarf að borga sekt Bruno ætlar ekki að sækja seðlana í Sádi-Arabíu Mbuemo sagður vilja fara til Manchester United Hóta Abramovich lögsókn og vilja láta Úkraínu fá Chelsea peninginn Leikmenn ensku stórliðanna kvarta við leikmannasamtökin Gætu hent Crystal Palace út úr Evrópudeildinni Man. City vill fá bakvörð frá Úlfunum Beckham óánægður með hegðun leikmanna Manchester United Sjá meira