Hodgson sá elsti til að taka við liði í ensku úrvalsdeildinni

Roy Hodgson var í gær ráðinn knattspyrnustjóri enska úrvalsdeildarliðsins Crystal Palace.



Hodgson tekur við stjórastarfinu af Frank de Boer sem var rekinn á mánudaginn. De Boer var aðeins 77 daga við stjórnvölinn hjá Palace.

Hodgson er sá elsti sem hefur verið ráðinn stjóri liðs í sögu ensku úrvalsdeildarinnar. Hann er 70 ára og 34 daga gamall.

70y 34d - Roy Hodgson is the oldest man to be appointed as a permanent manager in the @PremierLeague (70 years, 34 days old). Vintage. pic.twitter.com/zaa7EY9YZB

— OptaJoe (@OptaJoe) September 12, 2017

Hodgson hefur verið í fríi frá fótbolta eftir að hann hætti sem landsliðsþjálfari Englands eftir tapið fræga fyrir Íslandi á EM í fyrra.

Hodgson bíður erfitt verkefni á Selhurst Park en Palace er án stiga og hefur ekki enn skorað mark í ensku úrvalsdeildinni.

Palace mætir Southampton á laugardaginn í fyrsta leik liðsins undir stjórn Hodgson. Í næstu þremur deildarleikjum þar á eftir mætir Palace Manchester-liðunum City og United og Chelsea.