Rannsókn á Aguero lögð niður eftir mistök

Sergio Aguero, framherji Manchester City í ensku úrvalsdeildinni, var ásakaður um að hafa ýtt við öryggisverði í fagnaðarlátum leikmanna og stuðningsmanna City í 2-1 sigri á Bournemouth fyrr í dag.

Rannsókn á málinu átti að fara fram hjá lögreglunni í Dorset en Aguero sagði á Twitter síðu sinni í dag að ásökunin væri röng og kvaðst vera saklaus.

Það hefur komið í ljós að svo sé raunin og nú hefur það komið fram í yfirlýsingu frá Bournemouth að um mistök hafi verið að ræða. 

Leiknum lauk með 2-1 sigri Manchester City eftir að Raheem Sterling skoraði dramatískt sigurmark á lokamínútum leiksins.