Steve Bannon fagnar fæðingu nýrrar stjórnmálahreyfingar

Aðalráðgjafi forseta Bandaríkjanna, Steve Bannon, fagnar því sem hann kallar „nýja stjórnmálahreyfingu,“ sem hann segir að sigur Donald Trump hafi leyst úr læðingi. Bannon lét orðin falla á ráðstefnu íhaldsmanna í dag. BBC greinir frá.

Á ráðstefnunni lofaði Bannon því að færa saman þá sem hefðu „fjölbreyttar og stundum ólíkar skoðanir,“ til stuðnings „efnahagslegri þjóðernishyggju.“

„Við erum þjóð með okkar menningu og tilgang í tilverunni.“

Hann tók það skírt fram að forsetinn hefði heitið því að fylgja eftir þeirri stefnu sem Bannon talar fyrir.

Sjá einnig: Úr gullsölu i World of Warcraft í Hvíta húsið

„Ég hef sagt það áður, að það er ný stjórnmálahreyfing að fæðast vegna þessa. Og hún er enn að fæðast.“

Þá hélt Bannon áfram árásum á fjölmiðla, sem hann hefur áður sagt, að séu hluti af stjórnarandstöðunni í Bandaríkjunum. Þar sagði hann að flestir fjölmiðlar gengju erinda alþjóðlegra stórfyrirtækja.

Ásamt Bannon, kom Reince Priebus, starfsmannastjóri Hvíta hússins og Kellyanne Conway, ráðgjafi, einnig fram á ráðstefnunni. Vangaveltur hafa verið uppi um það hvort að valdabarátta sé uppi innan Hvíta hússins, þar sem þau þrjú eru talin berjast fyrir hygli forsetans.