Jón Daði maður leiksins í annað sinn

Jón Daði Böðvarsson var valinn maður leiksins hjá Wolves í gær eftir 3-1 sigur liðsins á Birmingham.

Tæplega 1500 manns tóku þátt í könnunni, en Jón Daði hlaut um 40% atkvæða. Næstur kom Jed Wallace með 35% atkvæða og Joe Mason 7%.

Jón Daði hefur byrjað afar vel hjá Wolves, en þetta er í annað skiptið sem stuðningsmenn Úlfanna kjósa Selfyssinginn mann leiksins á þessu tímabili.

Hann hefur skorað tvö mörk í þeim fjórum leikjum sem búnir eru í deildinni auk þess sem hann lagði upp mark í deildarbikarnum.

Wolves er í þriðja sæti deildarinnar með átta stig, en þeir eru tveimur stigum frá Huddersfield Town sem er á toppnum með tíu stig.

And it goes to @jondadi with 40% of the vote followed by @jedwallace12 (35%) and Joe Mason (7%). pic.twitter.com/1zwVWE3NKj

— Wolves (@OfficialWolves) August 21, 2016