Stöngin inn hjá Eiði Smára á Twitter

Eiður Smári Guðjohnsen er kominn með stóran fylgjendahóp á Twitter og hefur átt færslur þar sem hafa vakið mikla athygli.

Vinsælasta færslan hans var létt kynding á Jose Mourinho, stjóra Man. Utd, eftir leik Man. Utd og Chelsea.

Skrifað var um þá færslu á stærstu miðla Bretlands. Sú færsla fékk 37 þúsund endurvarpanir [retweet] og 31 þúsund líkuðu við færsluna. Þetta er líklega vinsælasta færsla Íslendings á Twitter.

Jose still knows how to get the best out of @ChelseaFC#CHEMUN

— Eidur Gudjohnsen (@Eidur22Official) October 23, 2016

Eiður Smári lýsti því svo yfir í gær að hann væri til í að spila fyrir brasilíska félagið Chapecoense sem missti næstum alla sína leikmenn í flugslysi á dögunum.

Þá myndi hann líka spila aftur með vini sínum, Ronaldinho, en þeir léku saman með Barcelona á sínum tíma.

Sú færsla er kominn í 5.800 retweet og 7.500 hafa líkað við hana. Skiljanlega enda falleg uppástunga hjá Eiði Smára.

Hann er einn vinsælasti Íslendingurinn á Twitter með 27 þúsund fylgjendur.

Out of respect i would play for @ChapecoenseReal if they have a place for me! If not just to play with @10Ronaldinho again #ForcaChape

— Eidur Gudjohnsen (@Eidur22Official) December 4, 2016