Firmino og Matip klárir um helgina

Meiðsli þeirra Roberto Firmino og Joel Matip, leikmanna Liverpool, eru ekki alvarleg og þeir verða með liðinu um helgina er Liverpool mætir Bournemouth.

Báðir leikmenn voru hvíldir í deildabikarnum í gær. Þótti ekki ástæða til að tefla á tvær hættur með þá félaga. Jürgen Klopp, stjóri Liverpool, mun kalla á þá aftur í hópinn um helgina.

Það verður auðvitað enginn Philippe Coutinho í liði Liverpool í leiknum enda meiddur og spilar ekki aftur fyrr en á næsta ári.

Liverpool er sem stendur í öðru sæti ensku úrvalsdeildarinnar. Einu stigi á eftir Chelsea. Liðið hefur unnið átta af síðustu tíu leikjum sínum.