Bellerín áfram á Emirates

Hægri bakvörðurinn Héctor Bellerín hefur skrifað undir nýjan sex ára samning við Arsenal.

Spánverjinn kom til Arsenal frá Barcelona 2013 og vann sér sæti í byrjunarliðinu tímabilið 2014-15. Hann hefur alls leikið 86 leiki fyrir Arsenal og skorað þrjú mörk.

Bellerín hefur verið orðaður við endurkomu til Barcelona undanfarna mánuði en nú er ljóst að hann verður áfram á Emirates.

Nýi samningurinn færir Bellerín 95.000 pund í vikulaun.

Bellerín, sem hefur leikið þrjá landsleiki fyrir Spán, er meiddur á ökkla og missti þ.a.l. af leiknum gegn Manchester United um helgina.