Slimani bjargaði meisturunum | Sjáðu mörkin

Islam Slimani bjargaði stigi fyrir Englandsmeistrana í Leicester í uppbótartíma þegar Middlesbrough var í heimsókn á King Power-leikvanginum í dag, en lokatölur 2-2.

Alvaro Negredo kom Boro yfir, en Mahrez jafnaði af vítapunktinum á 34. mínútu. Negredo kom Middlesbrough aftur yfir á 72. mínútu, en aftur fékk Leicester víti og nú skoraði Slimani.

Leicester er í þrettánda sætinu með 13 stig, en Middlesbrough er í fimmtánda sætinu með 12 stig.

Hull og WBA skildu einnig jöfn. Varnarmaðurinn Gareth McAuley kom WBA yfir, en annar varnarmaðurin, Michael Dawson, jafnaði metin fyrir Hull.

WBA er í níunda sætinu með 17 stig, en Hull er í átjánda sætinu með ellefu stig.

Úrslit og markaskorarar:

Hull - WBA 1-1

0-1 Gareth McAuley (34.), 1-1 Michael Dawson (72.).

Leicester - Middlesbrough 2-2

0-1 Alvaro Negredo (13.), 1-1 Riyad Mahrez - víti (34.), 1-2 Alvaro Negredo (72.), 2-2 Islam Slimani - víti (90.).