Bolt bíður eftir símtalinu frá Mourinho

Fljótasti maður allra tíma, Usain Bolt, er mikill stuðningsmaður Man. Utd og lætur sig dreyma um að spila með félaginu.

Bolt mun leggja hlaupaskóna á hilluna næsta sumar og hefur samið um að æfa með þýska liðinu Borussia Dortmund í kjölfarið.

Bolt vonast þó eftir því að kallið komi frá Man. Utd.

„Ég hef ekki enn heyrt frá Mourinho en vonandi hringir hann í mig. Ég er meira en til í það,“ sagði Bolt sem var að frumsýna mynd um sjálfan sig í Bretlandi í gær.