Middlesbrough og Watford með góða sigra | Sjáðu mörkin

Middlesbrough og Watford unnu góða sigra í ensku úrvalsdeildinni í dag, en sex af sjö leikjum dagsins er lokið.

Gaston Ramirez kom Middlebrough yfir gegn Bournemouth í fyrri hálfleik, en Stewart Downing tvöfaldaði svo forystuna í síðari hálfleik.

Boro er í fjórtánda sætinu með tíu stig, en Bournemouth er í tíunda sætinu með tólf stig.

Watford vann mikilvægan sigur á Hull, en sigurmarkið var sjálfsmark Michael Dawson sjö mínútum fyrir leikslok.

Watford lyfti sér upp í sjöunda sætið með sigrinum. Þeir sitja þar með fimmtán stig á meðan það hefur hallað undan fæti hjá Hull eftir góða byrjun, en þeir eru í 18. sæti með sjö stig.