Þrír stuðningsmenn West Ham handteknir eftir leik gærdagsins

Þrír stuðningsmenn West Ham voru handteknir eftir 1-1 jafntefli liðsins gegn Middlesbrough í ensku úrvalsdeildinni í gær.

Scotland Yard staðfesti þetta við BBC í gær en tveir voru handteknir vegna hópslagsmála á meðan einn var handtekinn fyrir árás á lögregluþjón.

Sjá einnig:West Ham enn í fallsæti | Úrslit dagsins

Er þetta ekki í fyrsta skiptið sem vandræði eru á stuðningsmönnum West Ham á nýja leikvanginum en stuðningsmenn Middlesbrough fengu lögreglufylgd af vellinum í gær.

Lauk leiknum með 1-1 jafntefli en West Ham í fallsæti að sjö umferðum loknum og hefur aðeins fengið fjögur stig á heimavelli í fjórum leikjum.