Stóri Sam tekinn við enska landsliðinu

Enska knattspyrnusambandið hefur að Sam Allardyce verði næsti landsliðsþjálfari Englands.

Allardyce skrifaði undir tveggja ára samning sem gildir fram yfir HM 2018 í Rússlandi.

Allardyce tekur við starfinu af Roy Hodgson sem sagði upp eftir tapið fyrir Íslandi í 16-liða úrslitum á EM í Frakklandi.

Allardyce lætur því af störfum hjá Sunderland en líklegt þykir að David Moyes verði eftirmaður hans á Ljósvangi.

Hinn 61 árs gamli Allardyce, eða Stóri Sam eins og hann er oft kallaður, býr yfir mikilli reynslu en hann hefur stýrt Bolton, Newcastle, Blackburn, West Ham og Sunderland í ensku úrvalsdeildinni.

Fyrsta verkefni Allardyce verður að koma enska landsliðinu á HM í Rússlandi.

England er með Slóvakíu, Skotlandi, Slóveníu, Litháen og Möltu í riðli í undankeppninni. Fyrsti leikur enska liðsins er gegn Slóvakíu á útivelli 4. september næstkomandi.

It's official. We are delighted to announce that Sam Allardyce is the new manager of the #ThreeLions! pic.twitter.com/7L3y9S62TP

— England (@England) July 22, 2016