Íslandsvinurinn Moyes líklegastur til að taka af Allardyce

David Moyes er maðurinn er hæstráðendur hjá Sunderland vilja fá sem eftirmann Sams Allardyce, næsta landsliðsþjálfara Englands.

Moyes hefur verið atvinnulaus frá því hann var rekinn frá Real Sociedad í nóvember á síðasta ári en hann virðist vera á leið í ensku úrvalsdeildina á ný.

Moyes stýrði Everton í níu ár við góðan orðstír áður en hann var ráðinn eftirmaður Sir Alex Ferguson hjá Manchester United.

Moyes fékk sex ára samning við United en hann entist aðeins 10 mánuði í starfi á Old Trafford.

Allardyce tók við Sunderland í erfiðri stöðu í byrjun nóvember í fyrra en tókst að bjarga liðinu frá falli.

Allt bendir hins vegar til þess að hann sé á förum frá Sunderland til að taka við enska landsliðinu af Roy Hodgson sem sagði starfi sínu lausu eftir að England tapaði fyrir Íslandi í 16-liða úrslitum á EM í Frakklandi.