Þýsku meistararnir með augastað á Koscielny

Þýsku meistararnir í Bayern Munchen eru orðaðir við franska landsliðsmanninn Laurent Koscielny í miðlum erlendis í dag en Koscielny á aðeins eitt ár eftir af samningi sínum hjá Arsenal.

Koscielny sem verður 31 árs í september hefur verið á mála hjá Arsenal undanfarin sex ár og leikið alls 248 leiki í öllum keppnum fyrir Skytturnar.

Myndi hann keppast við þýsku miðverðina Mats Hummels og Jerome Boateng um stöðurnar í vörn Bæjara en liðið samþykkti að miðvörðurinn Medhi Benatia færi frá liðinu á eins árs lánssamning á dögunum.