Skutu þremur eldflaugum út á Japanshaf

Þremur eldflaugum var skotið frá Norður-Kóreu í kvöld. Rétt rúm vika er frá því að stjórnvöld þar hótuðu aðgerðum vegna uppsetningar eldflaugavarnarkerfis í Suður-Kóreu. Herinn í suðri sendi frá sér tilkynningu þar sem segir að flaugarnar hafi flugið 500 til 600 kílómetra áður en þeir hröpuðu í Japanshaf.

Sú vegalengd dugar til þess að skjóta á alla hluta Suður-Kóreu.

Spenna á svæðinu hefur verið mikil undanfarna mánuði eða frá því að Norður-Kórea sprengdi kjarnorkusprengju í fjórða sinna í janúar. Síðan þá hafa þeir margsinnis gert tilraunir með eldflaugar. Fyrr í mánuðinum tilkynntu yfirvöld Bandaríkjanna og Suður-Kóreu að svokölluðu THAAD-kerfi yrði komið fyrir til að sporna gegn mögulegum kjarnorkumætti Norður-Kóreu. Kínverjar hafa einnig gagnrýnt uppsetningu kerfisins.