Zlatan fór ekki með til Kína

Sænski framherjinn Zlatan Ibrahimovic fór ekki með Manchester United til Kína þar sem liðið mun æfa og spila næstu daga.

Zlatan þreytir því ekki frumraun sína með United fyrr en í fyrsta lagi 30. júlí þegar enska liðið mætir Galatasary í vináttuleik í Svíþjóð.

Hinir nýju mennirnir hjá United, Henrikh Mkhitaryan og Eric Bailly, fóru hins vegar með til Kína.

Frakkarnir Anthony Martial og Morgan Schneiderlin, Þjóðverjinn Bastian Schweinsteiger, Belginn Marouane Fellaini og Ítalinn Matteo Darmian fengu frí líkt og Zlatan.

Wayne Rooney, Chris Smalling og Marcus Rashford fóru með til Kína en þeir munu ekki spila neitt.

United mætir Borussia Dortmund í International Champions Cup í Shanghai 22. júlí og þremur dögum síðar spilar liðið við Manchester City í Peking.

Here it is - our confirmed, 25-man squad heading to China for #MUTOUR... pic.twitter.com/fVO0qzmI2L

— Manchester United (@ManUtd) July 19, 2016