Lið hafa ekki náð að vinna Valsmenn í Meistarakeppninni síðan 1989
Valsmenn urðu í gær meistarar meistaranna í níunda sinn þegar bikarmeistararnir frá Hlíðarenda unnu Íslandsmeistara FH í vítakeppni.
Leikurinn endaði með 3-3 jafntefli eftir að Guðjón Pétur Lýðsson jafnaði metin með marki beint úr aukaspyrnu á 90. mínútu. Valsmenn unnu síðan vítakeppnina 4-1.
Ekkert félag hefur unnið Meistarakeppnina oftar en Valsmenn eru nú komnir með þriggja titla forskot á Keflavík, Fram og FH.
Valsmenn eru jafnframt ósigraðir í Meistarakeppninni síðan 1989 en þetta var sjötti sigur liðsins í röð í leik um meistara meistaranna.
Valsmenn unnu FH-inga líka 2008 og 2006 en höfðu unnið ÍA, Víking og Fram þegar þeir unnu Meistarakeppnina þrjú ár í röð frá 1991 til 1993.
Valsmenn töpuðu síðasta í Meistarakeppninni 16. maí 1989 þegar Fram vann Val 3-1 á Gervigrasvellinum í Laugardal.
Síðustu tíu leikir Valsmenna í Meistarakeppni KSÍ:
2016 - Sigur á FH í vítakeppni eftir 3-3 jafntefli
2008 - 2-1 sigur á FH
2006 - 1-0 sigur á FH
1993 - 2-1 sigur á ÍA
1992 - 3-1 sigur á Víkingum
1991 - 2-1 sigur á Fram
1989 - 3-1 tap fyrir Fram
1988 - 4-3 sigur á Fram
1986 - 2-1 tap fyrir Fram
1981 - 1-0 tap fyrir Fram
Tengdar fréttir
Pepsi-spáin 2016: Valur hafnar í 5. sæti
Íþróttadeild 365 spáir Val fimmta sæti pepsi-deildarinnar í ár eða sama sæti og liðið hefur hafnað í undanfarin þrjú ár.
Sjáðu mörkin og vítakeppnina í Meistarakeppninni | Myndband
Vítaspyrnukeppni þurfti til að knýja fram úrslit í leik Vals og FH í Meistarakeppni KSÍ í kvöld.
Umfjöllun og viðtöl: FH - Valur 3-3 (1-4) | Valsmenn meistarar meistaranna
Valsmenn eru meistarar meistaranna eftir sigur á FH í meistarakeppni KSÍ í kvöld.
