Mark Vardy í stórkostlegri lýsingu BBC

Jamie Vardy kom Leicester á bragðið gegn Liverpool í ensku úrvalsdeildinni í gær með stórglæsilegu marki.

Markið má sjá í spilaranum hér fyrir ofan en óhætt er að fullyrða að þetta er eitt af glæsilegri mörkum tímabilsins. Sjálfur sagði Vardy eftir leikinn í gær að þetta væri fallegasta markið sem hann hefði skorað á ferlinum.

Leikurinn var í beinni útvarpslýsingu á svæðisstöð breska ríkisútvarpsins, BBC, í Leicester. Þar lýsti Ian Stringer markinu á afar eftirminnilegan hátt, eins og heyra má hér fyrir neðan.