Hitað upp fyrir Manchester-slaginn og alla leiki dagsins

Jose Mourinho og Pep Guardiola eigast við í enn eina skiptið í dag en í þetta sinn mætast þeir í fyrsta skiptið sem knattspyrnustjórar liða í ensku úrvalsdeildinni.

Leikur Manchester United og Manchester City hefst klukkan 11.30 í dag en bæði lið eru ósigruð á toppi deildarinnar eftir fyrstu þrjár umferðirnar.

Sjá einnig: Dýrasti knattspyrnuleikur sögunnar

Upphitun fyrir hádegisleikinn hefst klukkan 11.10 á Stöð 2 Sport en þar verða þeir Bjarni Guðjónsson og Jón Kaldal gestir Ríkharðs Óskars Guðnasonar.

Í spilaranum hér fyrir ofan er hitað upp fyrir leiki dagsins í ensku úrvalsdeildinni en Manchester-slagurinn er þar í forgrunni.

Sjá einnig: Pep niðurlægði Mourinho fyrir framan 400 milljónir þegar þeir mættust í fyrsta sinn á Spáni

Sex leikir hefjast klukkan 14.00 og stórum degi í ensku úrvalsdeildinni lýkur er Liverpool tekur á móti Englandsmeisturum Leicester.