Liverpool mun samkvæmt enskum fjölmiðlum bjóða í vinstri bakvörðinn Christain Fuchs sem er á mála hjá Leicester.



Félagaskiptaglugginn lokar á miðvikudaginn og má búast við að fjölmargir leikmenn skipti um lið á næstu dögum.



Samningur Fuchs við Englandsmeistara Leicester rennur út eftir næsta tímabil og hefur hann ekki náð samkomulagi við félagið um framlengingu.



Fuchs er 30 ára og gæti verið mikill liðsstyrkur fyrir Liverpool.