50 Cent spáir Arsenal sigri í nágrannaslagnum í dag

Rapparinn 50 Cent telur að Arsenal muni sigra nágrannaslaginn gegn Tottenham í dag en hann tók sig til og birti spádóm sinn á Instagram-síðu sinni eftir að hafa spáð rétt um úrslit Bournemouth og Newcastle deginum áður.

50 Cent er þessa dagana á tónleikaferðalagi um England og tilkynnti áhorfendum á tónleikum í Newcastle að þeir þyrftu ekki að hafa áhyggjur af fótboltaliði sínu.

Newcastle myndi vinna sigur á Bournemouth daginn eftir en rapparinn hafði svo sannarlega rétt fyrir sér því Newcastle vann ósannfærandi 1-0 sigur.

Það er töluverð pressa á Skyttunum í Arsenal að svara fyrir 1-5 tap gegn Bayern Munchen í vikunni en mótherjar dagsins eru Tottenham Hotspurs, erkifjendur Arsenal.

Rapparinn tók sig til og birti í dag á Instagram-síðu sinni myndband þar sem hann skrifar að hann ætli að veðja á Arsenal í dag en það verður fróðlegt að sjá hvort Skytturnar standi undir orðum rapparans.

ANGEL OF THE NORTH. Newcastle vs. Bournemouth I bet on Newcastle. Told you they where gonna win, Now I'm waiting on Arsenal I'll bet BIG but you never know. I had to much EFFENVODKA

A video posted by 50 Cent (@50cent) on Nov 7, 2015 at 5:05am PST