Fullt af mörkum og jafnteflum á fyrsta leikdegi ársins | Öll úrslitin í enska

Heil umferð fer fram í ensku úrvalsdeildinni í dag og níu af tíu leikjum dagsins er lokið. Það var nóg af mörkum í mörgum leikjanna og þá var líka fullt af jafnteflum.

Sex af fyrstu níu leikjum ársins 2015 í ensku úrvalsdeildinni enduðu með jafntefli þar af voru tvö þeirra markajafntefli (2-2 og 3-3).

Newcastle komst þrisvar yfir á móti Burnley en nýliðarnir náði að jafna metin í öll skiptin. George Boyd tryggði Burnley stig með því að jafna leikinn í 3-3 á 86. mínútu. Burnley átti kannski fleiri stig skilin en leikmenn liðsins skutu fjórum sinnum í tréverkið í leiknum.

Hull vann 2-0 sigur á Everton og var ásamt Southampton og Manchester City eina liðið sem hefur fagnað sigri á þessu ári. Ahmed Elmohamady og Nikica Jelavic skoruðu mörk Hull í fyrri hálfleiknum.

Frank Lampard kom inná sem varamaður og tryggði Manchester City 3-2 sigur á Sunderland en lið Manchester City var bæði búið að komast 2-0 yfir og missa niður tveggja marka forystu þegar Frank Lampard skoraði sigurmarkið.

Southampton vann 2-0 sigur á Arsenal í baráttunni um fjórða sætið en þeir Sadio Mané og Dusan Tadic skoruðu mörkin.

Wilfried Bony tryggði Swansea City stig á Loftus Road þegar hann jafnaði metin í 1-1 í uppbótartíma en Gylfi Þór Sigurðsson var þá farinn af velli.

Það verður hægt að sjá mörkin úr leikjum dagsins í sérstökum markaþætti á Stöð 2 Sport 2 sem verður sýndur eftir lokaleik dagsins á milli Tottenham og Chelsea.



Úrslit og markaskorarar í ensku úrvalsdeildinni í dag:

Stoke - Manchester United    1-1

1-0 Ryan Shawcross (2.), 1-1 Radamel Falcao (26.)

Aston Villa - Crystal Palace    0-0

Hull - Everton    2-0

1-0 Ahmed Elmohamady (32.), 2-0 Nikica Jelavic (42.)

Liverpool - Leicester    2-2

1-0 Steven Gerrard, víti (17.), 2-0 Steven Gerrard, víti (40.), 2-1 David Nugent (58.), 2-2 Jeff Schlupp (60.)

Manchester City - Sunderland    3-2

1-0 Yaya Touré (57.), 2-0 Stevan Jovetic (66.), 2-1 Jack Rodwell (69.), 2-2 Adam Johnson, víti (72.), 3-2 Frank Lampard (73.)

Newcastle - Burnley    3-3

1-0 Steven Taylor (15.), 1-1 Sjálfsmark Paul Dummett (19.), 2-1 Jack Colback (26.), 2-2 Danny Ings (66.), 3-2 Moussa Sissoko (78.), 3-3 George Boyd (86.)

Queens Park Rangers - Swansea    1-1

1-0 Leroy Fer (20.), 1-1 Wilfried Bony (90.+2)

Southampton - Arsenal    2-0

1-0 Sadio Mané (34.), 2-0 Dusan Tadic (56.)

West Ham - West Bromwich    1-1

1-0 Diafra Sakho (10.), 1-1 Saido Berahino (42.)