Aguero gæti spilað gegn Liverpool

Stuðningsmenn Man. City geta brosað í dag því stjarna liðsins, Sergio Aguero, verður farinn að spila aftur von bráðar.

Aguero hefur ekki spilað síðan hann meiddist í landsleik með Argentínu þann 8. október síðastliðinn. Hann er búin að missa af sjö leikjum með City síðan.

Síðasti leikur hans fyrir City var 3. október gegn Newcastle en þá skoraði hann fimm mörk.

Aguero er byrjaður að æfa á nýjan leik og stjóri liðsins, Manuel Pellegrini, vonast til þess að Aguero verði orðinn leikfær þann 21. nóvember er City spilar gegn Liverpool.